曾經有好長嘅時間，對身邊所有事情都無晒感覺。成日自己匿埋喺房唔同人溝通，因為就算講咗都無人明白，只想自己一個喺自己嘅世界入面，靜靜地。對原本鍾意嘅嘢無晒興趣，對自己嘅生活、工作無晒動力。覺得自己喺呢個世界入面有無自己都無乜所謂。但係過咗一段時間又覺得自己可以重新開始，自己會定一啲目標去做，好有動力，覺得自己今次一定做到，但結果無一樣嘢做到。
久而久之，我好似活喺一個循環入面，無限重複，一時跌落深淵，一時又覺得可以再嚟過。直至到情緒爆咗煲，睇過醫生，證實有抑鬱症，食醫生開嘅藥，因病辭職，成個人就係運作唔到，反應遲鈍，感覺到悲傷就會喊，有時甚至有輕生念頭。
幸好有朋友認識自愈果子嘅體感療癒治療師，然後做咗好幾個月嘅治療，原來我嘅抑鬱症係關於以前嘅一啲創傷，治療師幫我解構困喺身體入面嘅情緒，教導我去覺察自己嘅身體、教我一啲處理自己情緒嘅方法，都非常有用。
依家嘅我唔再有抑鬱症，諗嘢好正面，可以完成到一件又一件想做嘅事，有返原本嘅自己係最開心，感激治療師幫忙，多謝！